MATARIS seu MATARA aut Matarus

MATARIS seu MATARA aut Matarus

teli genus, seu missile: paulo quam lancea minus; cuius Sisenna apud Nonium meminit. Galiis proorium, de Bello Gall. l. 1. c. 26. ubi de Helvetiis, Nonnulli inter carros rotasque mataras ac tragulas subiciebant, nostrosque vulnerabant. Et Livius l. 7. c. 24. Consul, dum inter primores incautus agitat, laevô humerô matari prope traiectô, cesserat parumper ex acie. Vide Turnebum Abversar. l. 9. c. 7. Sed Marcellus Donat. mendum in textu esse non dubitat, et loco matari, reponendum materi. Nam μάτερις πάλτου τὶ ῏ειδος, h. e. materis iaculi seu teli species est, uti docet Strabo l. 4. Geogr. Et Nonius Marcellus, materim teli genus post lanceam longius dixit. Hinc Sisenna, Galli materibus, Suevi lanceis configunt. Et alibi, Lanceis et materibus medium perturbant agmen etc. Unde Gallorum mater, vincere ad angustias redigere, praesertim in ludo Scacchorum usitatum, Vide infra.